كل اللي محتاج تعرفه عن دهب Dahab
من جاء دهب عقله ذهب 🥰 وانا لازم افتح مشروع واعيش ف دهب 😂
أكتر
جملتين واول جملتين هتقولهم لما توصل دهب . . . .
دهب هي جنة ربنا على الارض بمعنى الكلمة ... بمجرد ماتوصل ارض سينا
خاصة دهب هتحس براحة وفرحة داخلوا قلبك من غير استاذان 😅
لو
خطتك تسافر جوه مصر الفتره دي وكمان عاوز تستجم وتفصل بمعنى الكلمة يبقى دهب
اختيارك الأول 😎
سافرت
دهب مرتين ف سنة واحدة مره ف شهر 7 والمره التانيه ف شهر 8 و التالته هتكون برضه ف
نفس السنه بس ف 6 أكتوبر الجاي 😅
دهب تعتبر مشتى أكتر ماهي مصيف ....
طب
ايه اللي عملته ف السفريتين؟
اولاً:
دهب لو سافرتها سوبر جيت هتتعذب بمعنى الكلمة ويوم ماتوصل بسرعه مش
اقل من 12 ساعة ده غير بهدلة الكماين لان عدد الركاب ف السوبر جيت كتير جداً
الاحسن انك تركب مني باص 14 راكب فقطده هيسهل عليك التفتيش ف
الكماين خاصة كمين عيون موسى لان ده الكمين اللي بمجرد ما تعدي منه يعتبر انت عديت
مرحلة الوحش واللي باقي سهل جداً والطريق هيكون حوالي 9 ساعات بالكتير اوي خاصة
انه هياخد الطريق الجديد
تجربتي كانت مع WE Bus سواقين كويسين جداً ومواعيدهم مظبوطة وكمان بيعرفوا يتعالموا ف
الكماين.
ثانياً:
اوعى تنسى بطاقتك او جواز السفر "ده او ده" وكمان صورة الحجز
بتاعك ف الاوتيل او الكامب او الهوستل
ثالثا:
اوعى تنسى بطاقتك او جواز السفر "ده او ده" وكمان صورة
الحجز بتاعك ف الاوتيل او الكامب او الهوستل
رابعاً:
اوعى تنسى بطاقتك او جواز السفر "ده او ده" وكمان صورة
الحجز بتاعك ف الاوتيل او الكامب او الهوستل
طب
ليه مكررها 3 مرات عشان ببساطة من غيرهم هترجع تاني من كمين عيون موسى ومش هتكمل
الطريق ويبقى ضاع عليك فلوس الباص و الاقامة وكمان لو حاجز برنامج برحلات مع شركة
سياحة
خامساً:
دهب
مش للنوم يعني تستغل كل ثانية فيها ف انك تتبسط ... ف اول ماتوصل تحط شنطتك و تغير
هدومك وتروح تفطر من يم يم ف الممشى والفطار هناك مش غالي خالص و دهب اصلا اسعارها
زي اسعار القاهرة يعني لو طلبت 3 سندوتشات بالكتير اوي هتدفع 15ج بس وبعدها تروح ف
اي كافيه تنزل من الشاطئ بتاعه البحر وتشربلك حاجه وفيه كافيهات حلوة جدا زي الخان El Khan cafe - Dahab "ده اللي فيه المرجيحة 😂"
وكافية صبابا و داون تاون Downtown Dahab وده الكافيه اللي بعشقه وبحب قعدته والميوزك اللي فيه .. فيه كمان
كافيه حلو فشخ اسمه نوبيان هاوس Nubian House ده بيبقى فيه باند بيغني نوبي وبترقص وحاجة اخر روقان بس لازم تروح
بدري عشان لو اتزحم مش هتعرف تدخل خالص وهتفضل واقف بره عشان تلحق تصور اي حاجه
وتسمع وترقص .. حاول تتغدى وتروح تلحق مكان 😄 ولو انت ف نص الممشى من شارع المشربية ناحية غزاله وحبيت تقعد شوية
ف التكييف تشرب حاجة عندك G mart حلو جدا واخر روقان والناس اللي فيه زي العسل 🥰
سادساً:
خلي سهرة جبل الطويلات "ب50ج" ف أول يوم لانك هتكون
تعبان من السفر فمش هتستحمل .. طبعاً لو متفق مع شركة سياحة بتظبلك كل حاجة بس انا
شخصيا بحب اظبط كل حاجة لنفسي وده هدفي اصلا من البيدج والمحتوى اللي بكتبه انك
تعرف تظبط رحلتك بنفسك
طب انا بعمل ايه اعرف شخصية زي العسل وشاب محترم جدا ف دهب وبيحب
بلده، قبل
ماتوصل دهب بيومين كلمه عرفه انك هتوصل كمان يومين واي رحلة نفسك فيها هيطلعهالك
ولو مش عارف هو بيقترح عليك وبيظبطلكم كل حاجة وكده كده من البوست هتعرف الرحلات ف
دهب 😉
سابعاً:
اليوم التاني ممكن تروح تعمل سنوركلينج في الThree
pools وتتفرج على الشعب المرجانية وكرتون نيمو تحت الميه وطبعا لازم يكون
معاك حد وتكلفتها حوالي 70ج للشخص اللي طالع معاك و 30ج تاجير اللايف جاكيت
ثامناً:
لو بتحب التخييم وجو الكامب ويااااااا بقى لو معاك خيمه تروح طالع
على اللاجونا بيتش .. بحر ف وسط الجبال وفيه لسان رملي في الميه تاخد عنده شويه
صور عنب 😂🥰 وعلى حسب الوقت اللي رايح فيه سواء رايح تشوف الغروب او مستني
لتاني يوم تشوف الشروق وممكن تشوي هناك وتشرب شاي بدوي جميل بالمرمريه والحبق
وممكن تشتري وانت راجع لو حبيت الشاي البدوي تشتري مرمريه وحبق من عند عم محمود
اول ماتدخل من شارع غزاله ماركت تمشي شوية على ايدك الشمال وهلاقوني متصور مع
الراجل الطيب 🥰
تاسعاً:
ممكن تاجر عجلة ب 50 او 60ج ف اليوم وتلف بيها دهب بس الاحسن
تكونوا جروب عشان تاخدوا سعر حلو 😉
عاشراً:
ودي الحاجة اللي معملتهاش في السفريتين اللي فاتوا ليا ف دهب وناوي اعملها السفرية
الجاية ليا 6/10/2020
محمية
ابو جالوم و البلو هول و اني اروح نويبع يوم واحد عشان اعمل هايكنج وانزل ف وادي
الوشواشي 🥰
انا
بعشق السفر وبعشقه اكتر لو لوحدي واتبسط عادي جدا بكل تفاصيله ولو معايا جروب ابقى
اتعرفت على ناس جديدة ف رحلتي في المدينة او البلد عموماً.
شوية ملحوظات كده ع السريع:
- بلاش ترموا زباله او تنسوا حاجه مرميه مكانكم وتقوموا وتسيبوها ...
حافظوا على بلادكم عشان كل ماتيجوا تلاقوها حلوة ونضيفه 🥰
-
فيه شواطئ صخرية يعني لازم تلبس شوز وانت نازل وده مش لازم تجيبه
قبل ماتسافر لانه موجود ف دهب وسعره حلو جدا حوالي 60ج ارخص من القاهرة والجيزة دي
حتى البورنيطه ب 30ج ف دهب ف القاهرة ب 120ج 🙃
-
ف الاسنوركلينج البس النضارة اللي فيها جهاز التنفس اللي شكله زي
العصاية بلاااااش الماسك هيتعبك وممكن يخنقك
لو
لسه محتاجين تعرفوا اي معلومة عن دهب او تعرف ايه الكامبات الحلوه في دهب وأسعارها معقولة وعن
تجربة
أو فنادق أسعارها معقولة وعن تجربة و في الممشى
أو ناس من أهل البلد يظبطولك رحلاتك
أو جروبات حلوه تطلع معاها
سيب كومنت بسؤالك أو ابعتلي على
الواتساب 01153447664
أو انستجرام
أو على الفيسبوك
وكمان تابعوا رحلتي الجاية لدهب يوم 6 أكتوبر 2020 وشوفوا كل لحظه في الرحلة على اليوتيوب
تعليقات